வெளிநாடு வாழ் இந்தியக் குடியுரிமை (OCI) அட்டைதாரர்களுக்கான நடைமுறைகளை எளிதாக்கவும், சிறார்களின் பாஸ்போர்ட் விதிமுறைகளை முறைப்படுத்தவும் மத்திய உள்துறை அமைச்சகம் புதிய திருத்தங்களை அறிவித்துள்ளது.
Contents
மைனர் குழந்தைகளுக்கான புதிய கட்டுப்பாடு
- இரட்டை பாஸ்போர்ட்டுக்குத் தடை: புதிய ‘குடியுரிமை (திருத்த) விதிகள், 2026’-இன் படி, இந்தியக் குடியுரிமைக்கு விண்ணப்பிக்கும் ஒரு மைனர் குழந்தை (Minor Child), இந்தியப் பாஸ்போர்ட்டுடன் சேர்த்து வேறு எந்தவொரு நாட்டின் பாஸ்போர்ட்டையும் எந்தக் காலத்திலும் வைத்திருக்கக் கூடாது.
- முந்தைய நடைமுறை: 2009-ஆம் ஆண்டு விதிகளின்படி, வெளிநாட்டில் பிறந்து இந்தியக் குடியுரிமை கோரும் குழந்தையின் பெற்றோர், தங்கள் குழந்தைக்கு வேறு நாட்டின் பாஸ்போர்ட் இல்லை என்று இந்தியத் தூதரகத்தில் சுய அறிவிப்பு (Declaration) கொடுத்தால் போதுமானதாக இருந்தது. தற்போது இந்த விதிமுறை மேலும் தீவிரமாக்கப்பட்டுள்ளது.
OCI அட்டைதாரர்களுக்கு ‘e-OCI’ மற்றும் டிஜிட்டல் மாற்றம்
- OCI அட்டைதாரர்களுக்கான விண்ணப்பம் மற்றும் அட்டை துறப்பு (Renunciation) உள்ளிட்ட அனைத்து நடைமுறைகளும் முற்றிலும் ஆன்லைன் மயமாக்கப்பட்டுள்ளன.
- இதற்காக https://ociservices.gov.in என்ற அதிகாரப்பூர்வ இணையதளம் மூலம் மட்டுமே விண்ணப்பங்கள் பெறப்படும்.
- OCI அட்டைதாரர்களுக்கு இனி அசல் அட்டைக்கு மாற்றாகவோ அல்லது கூடுதலாகவோ மின்னணு OCI (e-OCI) பதிவுகள் வழங்கப்படும்.
Fast Track Immigration
- OCI அட்டைக்கு விண்ணப்பிக்கும் போது பெறப்படும் பயோமெட்ரிக் தரவுகள் (Biometric Data), எதிர்காலத்தில் விமான நிலையங்களில் விரைவான குடியுரிமை சோதனைக்கு உதவும் ‘ஃபாஸ்ட் டிராக் இமிக்ரேஷன்’ திட்டத்திற்குப் பயன்படுத்தப்படும். இதற்கு விண்ணப்பதாரர்கள் தங்களின் ஒப்புதலை வழங்க வேண்டும் எனத் தெரிவிக்கப்பட்டுள்ளது.
